Բարդ վիրահատություն «Տավուշ» բժշկական կենտրոնում

2015 թ. նոյեմբերի 17-ին «Տավուշ» բժշկական կենտրոնում իրականացվել է հազվադեպ հանդիպող ախտաբանությամբ պացիենտի բարդ վիրահատություն:

Քաղաքացի Հ.Բ.-ն, ավտովթարի ենթարկվելով, ծանր վիճակում շտապ օգնության մեքենայով տեղափոխվել է «Տավուշ» բժշկական կենտրոն, որտեղ կատարվել է համակարգչային տոմագրաֆիա և այլ անհրաժեշտ լաբորատոր ու գործիքային հետազոտություններ:

Ախտորոշվել է ստոծանու պատռվածք, ստամոքսի պրոլափս (անցում) առաջային միջնորմ, փայծաղի վնասվածք, աջ պարանեֆրալ շրջանի հեմատոմա, ներքին արյունահոսություն, կողոսկրերի բազմաթիվ կոտրվածքներ, կոնքի ոսկրերի կոտրվածքներ:

Նույն օրը պացիենտը վիրահատվել է կյանքի ցուցումներով:

Վիրահատությունն իրականացրել են վիրաբույժներ Ռուբեն Սիմոնյանը, Կարեն Բեգլարյանը և անէսթեզիոլոգ Սահակ Մկրտումյանը:

Կատարվել է լապարատոմիա, ստոծանու վերքի կարում, սրտապարկի պատռվածքի կարում, ձախ պլևրալ խոռոչի դրենավորում, սպլենէկտոմիա (փայծաղի հեռացում), հետորովայնամզային տարածության և որովայնի խոռոչի դրենավորում: Վիրահատությունը տևել է մոտավորապես 3,5 ժամ:

Հիվանդն այս պահին Տավուշ բժշկական կենտրոնի վերակենդանացման բաժանմունքում է, վիճակը կայուն է:

Հարցեր, պատասխաններ, մեկնաբանություններ